2024 ОНЫ ГУРАВДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ

Агаарын температур(Air temperature): Өнгөрөгч арав хоногт агаарын дундаж температур Их нууруудын хотгорын сумдаар 6.8-9.3 градус хүйтэн,  Алтайн өвөр говийн сумдын нутгаар 10.0-14.0 градус хүйтэн, Өндөр уулын сумдаар 7.8-9.9 градус хүйтэн байлаа.  Агаарын хамгийн их температур өдөртөө 2-7 градус дулаан, хамгийн бага температур  шөнөдөө нийт сумдын нутгаар 19-28  градус  хүйтэн байсан бол хамгийн хүйтэн Дуут, Булган сумдад -28.0 градус  байлаа. Нийт нутгаар -30.0 градусаас доош орж  хүйтэрсэн хоногийн тоо  ажиглагдаагүй  хүйтний эрч бага зэрэг суларсан. Алтайн өвөр говийн сумдаар цасан бүрхүүлтэй жиндүү хүйтэн хэвээр байна.

Хөрсний температур(Soil temperature): Нийт нутгаар хөрсний дундаж температур 3-12 градус хүйтэн байсан. Хөрсөн дээр хамгийн их температур өдөртөө 3-26 градус дулаан, хамгийн бага температур  шөнөдөө  22-36 градус хүрч хүйтэрсэн.  Хөрсөн дээр -40.0 градус хүрч хүйтэрсэн хоногийн тоо  ажиглагдаагүй. Алтайн өвөр говийн сумдаар цасан бүрхүүлтэй тул хөрсөн дээрээ хамгийн хүйтэн  байна.

 Хур тунадас(Precipitаtion): Энэ арав хоногт нийт сумдын нутгаар  цас ороогүй

Салхи(Wind): Энэ 10 хоногт нийт нутгаар салхи шуурга багатай байлаа.  Салхины хамгийн их хурд Цэцэгт 17 м/с, Мөнххайрханд 16 м/с, Ховд суманд 15 м/с хүрч шуурсан ба  бусад сумдын нутгаар 2-12  м/с  зөөлөн салхитай байлаа.  

Цас(Snow): 3-р сарын 10-ны байдлаар Их нууруудын хотгорын болон Өндөр уулын бүсийн сумдын нутгаар цасгүй байна. Алтайн өвөр говийн сумдаар цастай. Булганд 10 см, Алтайд 27 см, Үенчид 26 см зузаан, 10 баллын цасан бүрхүүлтэй цасны нягт 0.14-0.21 г/см³ байна. Бусад  сумын нутгаар цасан бүрхүүл тогтоогүй.  Алтайн салбар уулсаар тарлантсан цастай.

  ХАА-н үйлдвэрлэлд явагдаж байгаа ажил:  Ихэнх  сумдад бог мал төллөж эхэлсэн байна. Муудсан, сульдсан, тарга тэвээрэг муутай малд нэмэгдэл тэжээл өгөх,отор нүүдэл хийх төл мал хүлээн авах, хаваржилтын бусад бэлтгэл ажил үргэлжлэн явагдаж байна. Мөст сумын уулархаг газраа мөн Алтайн өвөр говийн сумуудад цас ихтэй малын бэлчээрлэлт саатах, мал хээл хаях, малын хорогдол гарах тохиолдол нэмэгдсэн зудын байдалтай байна. Малын бэлчээрлэлт хүндэрч өвс тэжээлийн нөөц хомсдож  МАА-н байдалд таагүй нөлөө үзүүлж байна.

  Цаг агаарын нөхцлийн онцлог:

• Энэ арав хоногт нийт сумдын  нутгаар цас ороогүй. Булган,Үенч, Алтай сумдад 10-27 см цастай.  Салхины хамгийн их хурд  Цэцэгт 17 м/с, Мөнххайрханд 16 м/с, Ховд суманд 15 м/с хүсэн.
• 10 хоногийн дундаас нийт нутгаар бага зэрэг дулаарсан.

                           Тойм мэдээ бичсэн ХААЦУС-ын ахлах техникч Ж.Жаргалзаяа 

                                      2024 оны 3 дугаар сарын 11